Policia e Tiranës njofton se në pranga janë vënë gjashtë persona, të cilët kanë konsumuar vepra të ndryshme penale, por kryesisht problematikët lidhen me aksidentet rrugore.
Një 31-vjeçar me iniciale G.Gj, është arrestuar pasi është përplasur me makinë me një me mjetin me drejtues shtetasin, I. L., 21-vjeç. Ngjarja mësohet se ka ndodhur në rrugën “Xhanfize Keko”.
Si pasojë e kësaj përplasjeje 31-vjeçari është dëmtuar dhe aktualisht ndodhet nën kujdesin e bluzave të bardha.Dyshimet e para janë se ky i fundit ka qenë në gjendje të dehur në momentin ku ka ndodhur aksidenti.
Një tjetër aksident është shënuar nga një drejtues mjeti me inicale A.C, 40-vjeçari ka përplasur me makinë një qytetar i cili po shëtiste me biçikletë.I aksidentuari mësohet të jetë shtetasi R.C, 23 vjeç.
Sërish për shkelje të rregullave të qarkullimit rrugor, Policia e Tiranës ka ndalur dy shtetas pasi po ngisnin makinën në gjendje të dehur dhe një tjetër drejtues mjeti, i cili nuk ishte i pajisur me lejen e drejtimit.
Problem nuk mbeten vetëm aksidentet automobilistike, por edhe prodhimi dhe shitja e lëndëve narkotike.Policia bën me dije se janë arrestuar në flagrancë një 21-vjeçar, M.H dhe një 29-vjeçar, A.H, pasi gjatë kontrollit fizik të ushtruar ndaj shtetasit M. H, iu gjet dhe iu sekuestrua një sasi lëndë narkotike kanabis, ndërsa shtetasi A. H, nuk ka kallëzuar për krimin.
Ngjarja mësohet se ka ndodhur në rrugën “Egnatia”.
Materialet i kaluan Prokurorisë së Rrethit Gjyqësor Tiranë, për veprime të mëtejshme./gijotina.com
