Aksidenti me vdekje në autostradën Thumanë-Tiranë/ Shkak i përplasjes dyshohen punimet e firmës “Gener 2”

Një aksident me pasojë vdekjen e një 60-vjeçari ka ndodhur mëngjesin e sotëm në autostradën Thumanë-Tiranë.

Një automjet i tipit “Volkswwagen” është përplasur me mjetin tip “Audi”, ndërsa si pasojë e përplasjes ka humbur jetën një nga drejtuesit.

Sipas BalkanWeb: dyshohet që shkak i aksidentit të jenë punimet që po kryhen nga firma Gener 2, për rikonstruksionin e kësaj rruge, e cila ka shfaqur probleme të mëdha në disa pika të saj. “Konkretisht në vendin ku ka ndodhur aksidenti po asfaltohet një pjese e një korsie e cila ka pësuar ulje e dëmtime që pa u hapur akoma”, raporton BW.

Lidhur me aksidentin, policia njoftoi se “rreth orës 07:10, në autostradën Thumanë-Tiranë, në vendin e quajtur “Ura e Gjolës”, mjeti tip “Volkswagen” me drejtues shtetasin L. F., rreth 60 vjeç, është përplasur me mjetin tip “Audi”, me drejtues shtetasin I. P. Si pasojë e dëmtimeve të marra nga aksidenti shtetasi L. F., ka ndërruar jetë në spital. Grupi hetimor po punon për sqarimin e rrethanave të aksidentit”.