Bashkëshorti i këngëtares shqiptare, Edona Llalloshi është arrestuar për dhunë në familje.
Gazmond Haxhifejzullahi ndodhet në paraburgim, i dyshuar për dhunë në familje.
Ai akuzohet se ka dhunuar këngëtaren, e cila kandidon për deputete nën siglën e partisë Lëvizja Vetëvendosje.
Gazmond Haxhifejzullahi, sipas mediave të Kosovës, është denoncuar për dhunë në familje muajin e kaluar.
Konflikti mes çiftit dyshohet se ka nisur për shkak të një prone që pretendohet se i takon kandidates për deputete.
”Lidhur me çështjen për të cilën keni kërkuar informata, ju njoftojmë se rasti të cilit i referoheni është në fazën e hetimeve nga ana e prokurorit të çështjes dhe ndaj të njëjtit është parashtruar kërkesë për caktimin e paraburgimit, kurse më shumë informata lidhur me këtë rast nuk mund të jepen”, ka informuar Prokuroria Themelore.
Ndërkohë çifti janë prindër të dy fëmijëve të mitur, të një djali dhe një vajze.
Këngëtarja Edona Llalloshi u fejua me biznesmenin Gazmend Haxhifejzullahi në vitin 2010 teksa ishte shtatzënë me fëmijën e tyre të parë, ndërsa kurorëzuan dashurinë në martesë një vit më vonë.
Artistja nisi romancën me Gazmend Haxhifejzullahin pasi la pas martesën e dështuar me një tjetër biznesmen shqiptar me banim në Zvicër (Shukriun).
Këngëtarja atë kohë kishte pranuar vetë publikisht ndarjen nga burri, duke deklaruar se është munduar ta mbajë martesën, por fati i saj ishte që të ndahen.
Martesa e saj, e cila i përngjante atyre të Hollywwodit, me qindra mysafirë të ftuar dhe e përcjellë nga dhjetëra media të shkruara dhe elektronike, dështoi.
”Me keqardhje të sinqertë dhe me një dhimbje shumë të madhe e pranoj ndarjen nga burri”, deklaroi atë kohë këngëtarja Edona Llalloshi. ”Jam munduar ta mbaj martesën. Nuk na eci mbarë, prandaj kam vendos me u nda, – tha ajo përmes telefonit në një media në Kosovë. – Fati im ka qenë kështu, për momentin nuk mund të flas më shumë”.
Në tetor 2010, u zbulua edhe fejesa e Edonës me Gazmendin, si dhe shtatzaninë e saj.
Discussion about this post