Është përhapur me përmasa të frikshme zjarri mbrëmjen e sotme mbi tunelin e Kalimashit në Kukës.
Siç mund të shikohet edhe në foton e siguruar nga Gijotina.com, zjarri ka djegur sipërfaqe të mëdha, ndërsa në zonë ka prezencë të madhe tymi dhe flakët përhapen me shpejtësi.
Situata raportohet të jetë kritike pasi rrezikon gjithë udhëtarët që kalojnë në autostradën që lidh Kosovën me Shqipërinë.
Kjo vatër është aktive prej pesë ditësh, ndërsa nuk është mundur të vihet nën kontroll. Pranë tunelit kanë mbërritur forcat zjarrfikëse, shërbimet e policisë. Gjithashtu në vendngjarje është edhe kryebashkiaku i Kukësit Safet Gjici.
Sakaq, mbrëmjen e sotme janë nisur drejt Shqipërisë Forcat e Sigurisë së Kosovës dhe zjarrfikës për të ndihmuar në shuarjen e flakëve.
