Albana Vokshi zgjidhet Zv. Presidente e Forumit të Grave të PPE

Kryetarja e Lidhjes Demokratike të Gruas, Albana Vokshi, është zgjedhur zëvendëspresidente e Forumit të Gruas së Partisë Popullore Europiane.

“Në kongresin zgjedhor të EPP Women, të zhvilluar në Dublin, zonja Vokshi rezultoi një nga 3 gratë më të votuara, duke përfaqësuar denjësisht Lidhjen Demokratike të Gruas dhe Partinë Demokratike”, thuhet në një njoftim nga zyra e shtypit pranë Partisë Demokratike.

“Jam shumë mirënjohëse për mbështetjen e familjes sonë të madhe europiane. E gjithë energjia ime do të jetë për të pronovuar vlerat e demokracisë europiane, për të fuqizuar gratë në Shqipëri, Ballkanin Perëbdimor dhe kudo ku luftojnë për barazi”, u shpreh Vokshi pas zgjedhjes si zëvendëspresidente e EPP Women.

Kjo është hera e parë që një përfaqësuese e Partisë Demokratike zgjidhet në një post kaq të lartë politik në Forumin e Grave të Partisë Popullore Europiane.

Presidente e EPP Women u zgjodh deputetja rumune Rozalia Biro, Kryetare e Komisionit për Punët e Jashtme.

Në 6 vendet për zëvendëspresidente u zgjodhën:

1. Agnieszka Pomaska, deputete (Poloni)
2. Mariya Gabriel, zëvendëspresidente e PPE dhe Komisionere Europiane për Inivavionin, Kërkimin,

Arsimin, Kulturën dhe Rininë, (Bullgari)

3. Albana Vokshi, deputete PD, Kryetare LDGSH (Shqipëri)
4. Dubravka Suica, zv.Presidente e Komisionit Europian, zv.presidente PPE (Kroaci)
5. Ëalburga v. Lerchenfeld, këshilltare menaxhim krizash, CSU (Gjermani)

6. Doina Gherman, deputete, (Moldavi)