Alimehmeti: Të izolohen fëmijët me virusin ‘duar-këmbë-gojë’, të shmanget përhapja

6 ditë më parë

Mjeku infeksionist, Ilir Alimehmeti ka komentuar ditën e sotme sëmundjen ‘duar-këmbë-gojë’, që prek fëmijët. Në një intervistë në një emision televiziv, ai është shprehur se ky virus është shumë i njohur dhe jep një formë të lehtë infeksioni te fëmijët.

“Është një virus shumë i njohur, është një virus që bën një formë infeksioni të lehtë tek fëmijët e vegjël”, tha Alimehmeti.

Mjeku nënvizoi se për këtë sëmundje nuk ka ndonjë mjekim specifik dhe se është një sëmundje e lehtë. Ai u bëri thirrje prindërve që nëse fëmija infektohet nga ky virus, duhet të qëndrojë disa ditë në shtëpi, në mënyrë që të mos përçohet te të tjerët.

Dy ditë më parë, Shefi i pediatrisë së Beratit njoftoi se shpërndarja e kësaj virozë bëhet kryesisht në kopësht dhe çerdhe, kjo për shkak të ambientin të mbyllur ku fëmijët ndodhen, ndaj për të parandaluar përhapjen në masë, fëmijët që paraqesin simptoma nuk duhet të pranohet në të njëjtin ambient me fëmijët e tjerë, deri në rikuperimin e shëndetit të tyre.

Ora 13:01

“Gojë, këmbë, dorë”, viroza ngjitëse që po prek fëmijët në masë

Një virozë e re ngjitëse po qarkullon në masë tek femijët. Lajmi është konfirmuar nga Shefi i Pediatrisë Berat, Vladimir Kumaraku, i cili ka dhënë detaje rreth kësaj viroze. “Gojë..këmbë..dorë” është emërtuar kjo virozë që prek fëmijët nga 1 deri në 12 vjeç. Shefi i pediatrisë njofton se temperatura e lartë lartë dhe puçrrat e shumta në këmbë, duar dhe gojë janë simptomat që paraqiten. Shpërndarja e kësaj virozë bëhet kryesisht në kopësht dhe çerdhe, kjo për shkak të ambientin të mbyllur ku fëmijët ndodhen, ndaj për të parandaluar përhapjen në masë, fëmijët që paraqesin simptoma nuk duhet të pranohet në të njëjtin ambien me fëmijët e tjerë, deri në rikuperimin e shëndetit të tyre.

Sipas pediatrit Kumaraku, kjo është një situatë virale, e cila nuk duhet të shkaktojë panik tek prindërit apo fëmijët, por megjithatë mbetet një situatë që duhet vlerësuar.

“Kjo sindromë është ngjitëse dhe po shfaqet dukshëm në kopshte e çerdhe. S’ka rrezik po s’ka pse shpëndahet. Deri tani kjo sindromë nuk ka shfaqur ndonjë komplikacion tek asnjë fëmijë të prekur, qoftë në aparatin e frymëmarrjes, zemrën apo aparatin tretës” shprehet Kumaraku.

Të ngjashme