Ronaldinho rrezikon të burgoset sërish  

6 ditë më parë

Problemet e Ronaldinhos me drejtësinë duket se nuk kanë të mbaruar. Legjenda e futbollit brazilian dhe klubit të Barcelonës është thirrur nga drejtësia për të paguar detyrimet ndaj ish-gruas së tij, Priscilla Coelho raporton ‘Diario do Nordeste’.

Ish-lojtari u thirr nga Gjykata e Rio De Zhaneiros më 11 nëntor, por ish-futbollisti nuk i është përgjigjur. Data 11 dhjetor është caktuar si e fundit që Ronaldinho mund të shlyejë detyrimin që ka, në të kundërt ai rrezikon sërish burgun.

Rikujtojmë se ish-ylli i Barçës kaloi një muaj në burg vitin që shkon për akuzën e falsifikimit të një pasaporte kur hyri në Paraguai. Ai pagoi plot 1.6 milionë dollarë për të ndryshuar masën e sigurisë në arrest shtëpie./K.T/Gijotina.com

Të ngjashme