Juventus është rikthyer serisë së fitoreve në kampionat dhe champions dhe skuadra duket që ka lënë pas ngërçin psikologjik. Mediat italiane raportojne se përtej rezultateve në rritje, trajneri Masimiliano Alegri nuk ndihet aspak i lumtur me paraqitjen e sulmuesit Alvaro Morata. Spanjolli nuk po përmbush nevojat e torinezëve në sulm dhe në fundin e sezonit italianë mund të mos e blejnë nga Atletiko Madrid.
Juventus ka paguar 20 mln euro për huazimin dy vjeçar dhe në rast se dëshiron ta blejë përfundimisht duhet të paguajë edhe 35 mln euro të tjera. Shifër mjaft e lartë kjo për italianët që duan të investojnë tek lojtari premues Vlahoviç.
