Pavarësisht se për të dytin sezon radhazi Juventus del me “0 tituli” (siç do thoshte Mourinho), sërish drejtuesit vendosën të konfirmojnë trajnerin Massimiliano Allegri.
Ishte vetë Maurizio Scanavino, Administratori i deleguar i Juves që nëpërmjet një konferencë për shtyp, theksoi se bashkëpunimin me teknikun duke shtuar se e ardhmja e Max nuk ka qenë kurrë në dyshim.
Kjo deklaratë ka nxitur reagimet e tifozëve të “Zonjës së Vjetër”, teksa pjesa më e madhe e tyre janë kundër projektit të Allegrit.
Në rrjetet sociale, ata shpërthyen kundër drejtuesve të klubit piemontez ndërsa shprehen të sigurt se edhe sezoni i ardhshëm me Allegrin në krye do të jetë një fiasko, madje shkojnë deri në pikën ku e konsiderojnë si të përfunduar edhe pse ende nuk ka nisur.
Disa prej tifozëve, janë të bindur se me konfirmimin e Allegrit shumë futbollistë do të largohen nga skuadra dhe në fakt i pari që bëri gati plaçkat ishte Angel Di Maria.
Këtë sezon, Juventus e mbylli në vend të shtatë, edhe pse duhet thënë se u penalizua me 10 pikë, por nga ana tjetër, bardhezinjtë dështuan në kompeticionet europiane si Champions League dhe Europa League ndërsa sezonin e ardhshëm do të marrin pjesë në Conference League (gjithmonë, nëse e lejon Ceferin, këtë gjë).
Discussion about this post