Ambasadori italian në Shqipëri Fabricio Buçi ka deklaruar se Europa duhet të shohë drejt vendeve të Ballkanit pasi pa ato nuk mund të ketë një Europë të Bashkuar.
Në lidhje me hapat që duhet të ndjekë Shqipëria, ambasadori italian deklaroi se shteti shqiptar ka bërë progres në rekomandimet e kërkuara dhe ka ardhur koha që Shqipëria të çelë negociatat me BE-në.
Sipas tij, lufta në Ukrainë ka ndryshuar botën, një para luftës dhe një pas luftës dhe kjo kërkon që Europa të jetë e qartë për Ballkanin.
“Është e rëndësishme që Europa të kuptojë që kemi një realitet të ri, që në nuk e donim por po e jetojmë dhe Europa duhet të hapë sa më shpejt negociatat me Shqipërinë në mënyrë që të japë një qartësi për këtë zonë, për Ballkanin për 6 vendet që janë pjesë e Europës dhe Europa duhet të jetë në lartësinë e duhur”, deklaroi ambasadori Buçi që ishte në Shkodër gjatë aktiviteteve që janë mbajtur në kuadër të Javës Italiane.
Discussion about this post