Shqipëria do të zbres nesër në fushë kundër San Marinos, ndeshje e vlefshme për Ligën e Kombeve, Liga C.
Në prag të kësaj përballje, gazetari sportiv, Gentjan Alinani, i cili qëndronë afër Kombëtares për zhvillimet e fundit, ka dhënë një ide më të qartë për formacionin e mundshëm të “pikturuar” nga trajneri Maran.
Me shumë gjasa, Berisha nuk preket në portë. Përsa i takon repartit defensiv, do të kemi debutimin e Sinës nga minuta e parë me kuqezinjtë, për të vijuar me Ismajlin dhe Gjimshitin, pra rreshtimi me 3 në mbrojtje, risi.
Mesfusha do të jetë më e ngarkuar. Mitaj dhe Uzuni në linja, kurse Asllani e Shehu në qëndër.
Treshja ofensive parashikohet t’i takojë Anis Mehmetit, Ernest Muçit dhe Rey Manajt.
Ky “trinom” ka kohë që pëlqehet tej mase nga tifozeria, ndërsa mund të rezultojë ndeshja e duhur për të parë “kiminë” e tyre.
Discussion about this post