A do të ishin vënë re gabimet e bëra në shortin e parë të UEFA-s në Champions League nëse Andrey Arshavin nuk do të kishte tërhequr emrin e Manchester United?
UEFA u detyrua të rihidhte shortin e raundit të 16-të të Champions-it pas një “problemi teknik” që ndodhi.
Gabimi u vu re fillimisht në momentin kur Manchester United u zgjodh përballë Villarrealit. Kjo duhet të ishte e pamundur, pasi të dyja skuadrat u kualifikuan nga i njëjti grup.
Topi i ‘Djajve të Kuq’ më pas nuk u përfshi siç duhet në shortin që përfshin Atletico Madrid-in menjëherë, duke bërë që shumë tifozë dhe gazetarë të vinin re problemet.
Sikur emri i Manchester United të mos ishte tërhequr fillimisht kundër Villarreal-it, a do të kishte kaluar çështja pa u vënë re?
Atletico Madrid përfundoi duke kontaktuar UEFA-n në lidhje me këtë çështje, por është e paqartë nëse ata do ta kishin vënë re gabimin nëse ‘Djajtë e Kuq’ nuk do ishin tërhequr paraprakisht.
UEFA ka publikuar vetëm detaje të kufizuara mbi problemin teknik dhe Real Madridi në veçanti është i pakënaqur me rihedhjen e shortit, pasi në të pari kundërshtar nuk ishte Paris Saint-Germain, por Benfica.
Inter dhe Liverpool gjithashtu kanë arsye për të qenë të pakënaqur pasi janë çiftuar së bashku në shortin e dytë. Skuadra e Simone Inzaghit kishte marrë Ajaxin në hedhjen e parë, ndërsa Liverpool ishte kundër FC Salzburg.
Simone Inzaghi pranoi se “nuk shkoi mirë në shortin e parë, por i dyti ishte sigurisht më keq”.
Mediat italiane theksuan se si Interi është ‘dënuar’ nga rihedhja e shortit, por më e keqja është se ndoshta gabimi do të kishte kaluar pa u vënë re nëse Arshavin nuk do të kishte zgjedhur topin e Manchester United./K.T/Gijotina.com
Discussion about this post