Drejtori i Përgjithshëm Gledis Nano ndodhet në këto momente në Fushë- Krujë në analize me krerët e policisë, pas atentati ku mbetën të vrarë tre persona. Mësohet se Nano ka kërkuar një analize të detajuar të fakteve provave e rrethanave të ngjarjes, mbledhje të kamerave në një territor të gjerë, si dhe shqyrtim i te gjitha pistave dhe autoreve te mundshëm.
Nano ka kërkuar që kjo ngjarje të zbardhet sa më parë dhe të rritet forca parandaluese duke shtuar kontrollet e befasishme me shërbime të policisë kriminale për të gjithë kontingjentet kriminale. Gjithashtu ai ka kërkuar shoqërime të gjithë atyre personave që mund të jenë të dyshuar dhe të punohet me profesionalizëm në bashkëpunim me Prokurorinë.
Kujtojmë se viktimat e sotme ishin me precedent kriminal në fushën e krimeve ndaj personit, pjesëtarë te grupit kriminal te Eris Martinaj. Brilant Martinaj, 23 vjeç, banues në Fushë Kuqe, ishte me precedent kriminal i dyshuar për veprën penale Vrasja me paramendim e kryer në bashkëpunim dhe armëmbajtja pa leje Diklen Vata, 30 vjeç, njihej si person me precedent penal, ishte lidhje e afërt shoqërore e Brilant Martinajt dhe pjesëtar i grupit kriminal te Ervis Martinajt Arber Hoxha, 34 vjeç, nga Fushe Kuqe, ishte lidhje e afërt shoqërore e Brilant Martinajt dhe pjesëtar i grupit kriminal te Ervis Martinajt.
Discussion about this post