Është arrestuar autori i plagosjes me armë zjarri të një 33- vjeçari në Berat, ngjarje e ndodhur në 21 maj të vitit të kaluar.
Bëhet fjalë për personin e identifikuar me iniciale l. N., 49 vjeç, banues në Patos, Fier ndaj të cilit Gjykata e Rrethit Gjyqësor Berat ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.
Në 21 maj të vitit të kaluar në fshatin Poshnje, 49-vjeçari bashkë me 5 persona të tjerë (2 prej tyre të arrestuar në datën 22.05.2021), plagosën me armë zjarri pistoletë, një 33-vjeçar.
Pritet të zbardhen detaje pas marrjes në pyetje të të arrestuarit. Ndërkohë dy persona të tjerë bashkëpunëtorë në këtë atentat vijojnë të jenë në kërkim nga policia.
Discussion about this post