Arjon Beqiri është njëri nga autorët e atentatit në Shkodër ku ka mbetur i plagosur Vincens Pirolit. 23-vjeçari banues në lagjen “Partizani”, është shpallur në kërkim, pasi akuzohet për vrasje me dashje e mbetur në tentativë të kryer në bashkëpunim dhe armëmbajtje pa leje.
Policia thotë se 23-vjeçari nuk ka vepruar i vetëm. Katër ditë pas atentatit policia ka gjetur dhe sekuestruar “BMW X5” që dyshohet se është përdorur nga autorët ditën kur iu bë atentati 34 vjeçarit.
Sipas policisë, automjeti ishte braktisur në rrugën ‘’Hodo Beg Sokoli’’, Shkodër. Arjon Beqiri e ka marë me qira më datë 03.01.2022, dhe dyshohet se është përdorur nga autorët e krimit.
Në lidhje me këtë ngjarje, më datë 05.01.2022 janë arrestuar në flagrancë për veprat penale “Moskallëzimi i krimit” dhe “Veprime që pengojnë zbulimin e së vërtetës”, edhe i plagosuri Vincens Piroli 34 vjeç dhe kushëriri i tij 29 vjeç, i cili ka transportuar 34-vjeçarin në spital, por nuk ka njoftuar Policinë dhe nuk ka kallëzuar për rrethanat e ngjarjes.
Discussion about this post