Avokatja, Megi Zonja, e ftuar në emisionin “Shqipëria Live”, ka folur në aspektin ligjor përsa i përket ngjarjes që ndodhi ditën e shtunë në “Për’puthen”, më 6 nëntor, mes Alvisës dhe Hysenit, ku ky i fundit tregoi tradhtinë e Alvisës dhe e demaskoi atë duke përdorur incizime e përgjime si prova.
Sipas avokates, ish-konkurrenti, Hysen Ramaj, ka kryer tre vepra penale të cilat mund ta rrezikojnë me burgim.
“Hyseni ka konsumuar tre vepra penale, siç është shkatërrimi i pronës private, dhuna e ushtruar psikologjike, nëse ka pasur dhunë fizike në bazë të fotove duhet provuar. Neni tjetër është përndjekja, neni 120A. Pra ka tre vepra penale, që n.q.s. flasim si jurist zotëria në fjalë i ka kryer vajzës. Në qoftë se një person do kishte konsumuar këto elementë të veprës penale, absolutisht që masa e sigurimit duhet të ishte arrest në burg. Pjesa ‘dil nga emisioni ose do publikoj këto’ është një përndjekje dhe mesa dëgjoj nga vajza, kemi të bëjmë me përndjekje të vazhdueshme, që vajzës pa diskutim i ka dhënë probleme shëndetësore përderisa ajo arrin të shprehet në një program live.” – u shpreh Megi Zonja.
Rikujtojmë se në programin “Për’puthen” ka ndodhur një skandal mes konkurrentëve, konkretisht mes Alvisa Qarrit dhe ish të dashurit të saj, Hyseni Rama, ku ky i fundit publikoi disa incizime dhe mesazhe me vajzën në fjalë. Ai ka hedhur akuza të forta ndaj Alvisës duke e nxjerr atë mashtruese dhe të shtirur, madje duke i thënë se nuk veproi ashtu sikur i kishte kërkuar ai. Nga ana tjetër, Alvisa ka publikuar disa foto dhe mesazhe ku tregonte se Hyseni e ka mbajtur me zor në komunikim pasi ajo hyri në program dhe gjithashtu e ka dhunuar në kohën kur bashkëjetonin.
Discussion about this post