Në 23-vjetorin e ndarjes nga jeta të Azem Hajdarit, ish-kryeministri Sali Berisha ka bërë një reagim në rrjetet sociale duke e nisur me një mesazh: Azem ti je gjallë. Berisha shprehet se sot kombi ynë përulet me nderimin më të madh dhe mirënjohje për veprën e pavdekshme të Azem Hajdarit të vrarë 23 vite më parë para selisë PD.
Sali Berisha shton se sot 23 vite nga kjo ngjarje, kujtimi dhe vepra e Azem Hajdarit është më frymëzuese se kurrë për demokratët ndërsa sulmon Bashën duke e cilësuar vegël mjerane të Ramës në krye të PD-së. Ai shprehet se çdo demokrat duhet të kthejë Partinë Demokratike mbi partimet mbi të cilat u themelua nga Azem Hajdari.
“Sot 23 vite pas ekzekutimit të tij kujtimi dhe vepra e Azem Hajdarit është më frymezuese se kurrë, mirënjohja e shqiptarëve për birin e tyre që si Feniks u ngrit nga hiri dhe u riktheu atyre lirinë dhe dinjitetin e munguar është më e pakufishme se kurrë. Sot dhe demokratët frymëzohen më shumë se kurrë më parë nga trimëria epike, guximi mbinjerëzor i Azem Hajdarit për tu ngritur dhe flakur sa më parë në koshin e plehrave të historisë, regjimin e kakistokracisë dhe tradhëtise së lartë kombëtare të Zografit Bis dhe vegles të tij mjerane ne krye të PD.”- thotë Sali Berisha.
Ai shkruan se Hajdari u vra nga falangat terroriste me uniformë të qeverisë së Partisë Socialiste, duke e cilësuar hakmarrje ndaj të riut që bëri më shumë se kushdo tjetër për lirinë e shqiptarëve.
