Minatori emigrant përplaset me Ballën te Samiti i Diasporës: Këtë vend nuk e ndërtoni ju, por diaspora

Një tjetër përplasje ka ndodhur në samitin e Diasporës që po mbahet sot në Tiranë. Në një prej paneleve ditën e sotme, një minator nga Bulqiza në emigim është përplasur me kreun e grupit parlamentar Taulant Balla.

Minatori në këtë takim ka ngritur shqetësimin për pjesën e pronave dhe ligjin numër 7501. Ndërkohë që Balla ka theksuar se Paketa e Maleve është krijuar në mënyrë që pronarët e tokave të gjyshërve të tyre të shpëtojnë nga ky ligj.

Minatori ne fjalën e vetë ngriti dhe një shqetësim tjetër, që është për statusin e minatorit, që nuk po krijohet nga qeveria. Ndërkohë që shumë herë, emigrantit tentuan që t’i merrnin fjalën dhe ti mbyllnin mikrofonin.

Debati:

Minatori: Meqë paketa e maleve është miratuar, kemi pengesa  të theksuara nga ligji 7501, sepse ne kemi qenë punë shteti, larg vendlindjes dhe nuk kemi pasur të bëjmë letrat individuale sipas këtij ligji, një ligj kriminal, sepse akoma e sot po vriten bashkëkombësit tanë. Unë jam i ligjit, jam dakord me ligjet e shtetit.

Balla: Paketa e maleve është për të të shpëtuar nga kjo pjesa e 7501

Minatori: Prit se nuk më shpëton dot, sepse unë nuk shkoj në Korab të ndërtoj, por të toka e plakut tim

Balla: Po aty pra

Minatori: Nuk ma jep komuna i kam bërë kërkesë ka 10 vjet. Kam shkuar tek noteri…

Balla: Nuk ke punë fare tek noteri, shkoni te noteri që tu marrë ndonjë lekë. A do përgjigjen?

Minatori: Do të jap këtë mendim unë ty, duhet një iniciativë…

Balla: Nuk është kohë për mendim, është kohë për përgjigje. Nëse ke në plan të bësh një gjë te toka e gjyshi

Minatori: Nuk do e bëj unë, do ta bëjë djali. Se unë ndërtues në Itali, kam mbaruar

Balla: Shumë mirë atë tokë që ta ka lënë gjyshi, bëj kërkesë në Këshillin Bashkiak, dhe këshilli brenda 30 ditëve do ta miratojë tokën. Mos shko tek noteri. Shko te këshilli bashkiak

Minatori: Dhjetë herë e kam bërë kërkesën

Balla: Nuk e ke bërë kërkesën, ma sill mua se do ta ndjek unë.

Minatori: E dyta, unë kam punuar në minierën e  Bulqizës. Nuk u miratua ligji për statusin e minatorit, Është premtuar që në 2013. E kemi përgëzuar dhe e kemi votuar, se Bulqiza ka qene e djathtë. I dhamë votën akoma asgjë. Më e keqja, një deputet i krahasoi minatorët me balerinat e operës, një fyerje e rëndë. Unë shpresoj që këtë mandat do ta jepni statusin, përndryshe…Unë kam ardhur, kam harxhuar lekët. Mos bej debat me ne diasporën, kur të shkosh në televizor bëj debat, jo me ne. Kemi kontribuar për këtë vend.

Moderatori i panelit: Shqetësimi nuk është për te ky panel

Minatori: Nga parlamenti duhen nisma ligjore për ta ndihmuar diasporën nëse keni ndermët ta ndërtoni vendin, sepse nuk e ndërtoni ju por e ndërton diaspora