Banorët e ish-zonës së Kombinatit, në rrugën “5 maj”, janë ngritur në protestë në lidhje me vendimin që qeveria ka marrë ditët e fundit me anë të një shkrese, ku thuhet se banesat e qytetarëve do të shembeshin me qëllim për të ndërtuar banesa sociale për të prekurit nga tërmeti.
Qytetarët u shprehën se kjo ishte diçka e kundërligjshme dhe se vendimi u është bërë me dije në momentin e fundit.
“Po më preke këto, shtet a zot a kushdo qoftë nuk i kam marrëdhëniet mirë me ta. Rama, Veliaj t’i vënë gishtin kokës. Nëse dikush vjen e më shkatërron pronën nuk mendoj më se çfarë humbas, por çfarë do shkatërroj.”
“Ai është edhe frikacak në radhë të parë. Se po të kishte qenë ashtu do kishin dalë një 10 mijë veta që i bëjnë gropën. Por ai është frikacak dhe i nxjerr veçmas muaj për muaj për banesa të ndryshme. Ka edhe njerëz të pashkollë që i mashtron. Ata nuk e dinë se po firmosin një akt dhurimi.”- thonë disa nga banorët.
Ata kanë theksuar se nuk do të hiqnin dorë nga banesat e tyre duke u shprehur gjithashtu edhe me paralajmërime ndaj personave që do të tentonin të prishnin objektet e tyre.
“Po më prishët shtëpinë, do u prish shtëpinë. Do bëj më të keqen e mundshme. Jo me afgan po do u zhdukë farë. E di si e quan këtë? Shesh ndërtimi! Ndërsa këtu është vend i mbushur plot me shtëpi.”
“Ai që vjen të prishë shtëpitë, qoftë Edi Rama apo Erion Veliaj, të gjithë nëse kanë fëmije e mbesa, ta mendojnë mirë se nuk e lë me kaq.”- shprehen banorë të tjerë.
Banorët shprehen se shtëpitë e tyre nuk kishin pësuar dëmtime gjatë tërmetit dhe shtojnë se i kanë të legalizuara pasi i kanë ndërtuar me shumë mund prej 20 vitesh.
