Kombëtarja U-19 e Shqipëria nuk ka shkuar më shumë se barazimi 2-2 ndaj Serbisë në sfidën e vlefshme për kualifikueset e kampionatit Europian. Kuqezinjtë e drejtuar nga trajneri Armando Cungu morën pikën e parë në grupin 7 teksa zhvilluan një performancë të mirë ndaj rivalëve nga Ballkani. Ishin serbët ata të cilët kaluan të parët në avantazh në minutën e 42 duke përfituar nga vendosja jo e mirë e futbollistëve në mbrojtje.
Serbët shënuan edhe golin e dytë në të 77 minutë duke të dhënë përshtypjen se gjithçka kishte përfunduar por Shqipëria u rikthye sërish në lojë. Kuqezinjtë kishin mundësinë për të shkurtuar diferencat me sulmuesin Toçi nga penalltia por goditja e tij ishte e gabuar. Gjithsesi Nerhuti dhe më pas Shpendi realizuan dy golat e Shqipërisë duke i hequr fitoren nga duart Serbisë. Një performancë mjaft e mirë e kombëtares shqiptare por që duhet theksuar se ka shumë probleme në fazën mbrojtëse.
Discussion about this post