Ditët e fundit mediat po raportojnë se Lulzim Basha mund të jetë një nga kandidatët e mundshëm për President, ndërsa ish-Kreu i PD as e ka pohuar dhe as e ka mohuar një gjë të tillë. Kjo gjë ka shkaktuar reagim të gjerë sidomos në kampin blu.
Kësaj radhe ka reaguar edhe ish-deputeti Genc Pollo, i cili i është drejtuar me një këshillë Lulzim Bashës për të deklaruar se nuk do të pranonte të bëhej President me votat e Edi Ramës.
“Me dashamirësi do të këshilloja Lulzim Bashën që të deklaronte se nuk pranon të bëhet President me votat e Ramës. Pra që nuk është fare kandidat. Kështu do t’i kursente Partisë Demokratike një tjetër siklet të panevojshëm” – shkruan Pollo.
Mbrëmjen e djeshme në emisionin Zonë e Lirë, ish-Kryeministri Sali Berisha ka deklaruar se PD nuk do të pranonte kurrsesi të zgjidhte me votat e saj një emër të propozuar nga Edi Rama, ndërsa e akuzon këtë të fundit se ka nisur tratativat për blerjen e deputetëve.
Discussion about this post