Kryedemokrati Lulzim Basha ka folur lidhur me vendimin e “foltores” për leximin e emrave të firmëtarëve në çdo degë të PD-së, për Kuvendin Kombëtar të 11 dhjetorit, Basha u shpreh se kjo është një shfaqje, e cila nuk është kërkuar nga ai, pasi e vetmja kërkesë ka qenë ajo e verifikimit të firmave nga strukturat kompetente brenda partisë.
“Këta firmëtarë janë faza e parë që kërkon mbledhjen e Kuvendit. Verifikimi i formave është detyrë e partisë. Nuk kemi kërkuar t’i bëjmë publike, por t’u japim mundësinë organeve që të verifikojnë firmat, pastaj mblidhet Kryesia.”
Basha u shpreh se Berisha nuk ka pasur interes në mbledhjen e një Kuvendi sipas rregullave të statutit, pasi lëvizja e tij nuk ka të bëjë me interesat e demokratëve, referuar faktit që emrat e firmëtarëve po bëhen publik, teksa disa kohë më parë kjo u cilësua si shqetësim nga “foltorja”.
“Nëse shqetësimi do të kishte qenë mbajtja anonim e emrave pse kanë 3 ditë që bëjnë shfaqje tek selia? Berisha nuk ka qenë i interesuar për një Kuvend sipas rregullave të PD-së. E gjithë lëvizja e tij nuk ka të bëjë me interesat e demokratëve. Përgjigjen nuk ua jap se e kanë mbyllur në kasafortë. PD po vepron në bazë të statutit. Delegatët po konfirmojnë zyrtarisht pjesëmarrjen në Kuvend. PD është një familje që funksionon me rregulla. Ambasadorëve kur ka qenë interesi i PD dhe kombëtare u kam dhënë përgjigjen pa mu dridhur qerpiku. Nuk jam burracak që t’ua hedh peshën grupit ndërkohë që jam votuar për atë. Kjo është barra e lidershipit. PD nuk është e përçarë. Të gjithë delgatët janë të ftuar në Kuvend”- tha ai.
Discussion about this post