Një vajzë 12-vjeçare ka vdekur pasi u sulmua nga bashkëmoshatarët e saj, në qendër të qytetit të Liverpool-it pas një sherri. Një hetim për vrasje është nisur pas vdekjes së Ava White. Ajo u vra kur doli me miqtë të enjten mbrëma gjatë ndezjes vjetore të dritave të pemës së Krishtlindjes në Church Street. Katër meshkuj të moshave një 13, dy 14 dhe një 15 vjeç, të gjithë nga zona Toxteth e Liverpool-it, janë arrestuar nën dyshimin për vrasje.
Sulmi u raportuar në polici rreth orës 20:40 të së enjtes. Me të mbërritur ata zbuluan se Ava White u rrëzua në tokë dhe një dëshmitar i incidentit po jepte ndihmën e parë. Ambulanca mbërriti në vendngjarje dhe Ava u dërgua në spitalin e fëmijëve, ku vdiq pak kohë më vonë.
“Ne dyshojmë se Ava dhe miqtë e saj ishin përfshirë në një debat verbal që kulmoi me sulmin e të ndjerës, duke shkaktuar lëndime katastrofike. Dyshojmë se autorët më pas u panë të vrapojnë në Shkollën “Lane” nëpër rrugën e Hanoverit dhe në rrugën Fleet.”, bëri me dije oficeri i policisë.
Ava vdiq në Ditën e Shiritit të Bardhë, e cila është një fushatë globale për t’i dhënë fund dhunës ndaj grave, dhe dje qytetarë nga i gjithë qyteti u bashkuan për të shënuar këtë ditë, e cila është gjithashtu fillimi i 16 ditëve të aktivitetit të krijuar për të rritur ndërgjegjësimin për dhunën kundër grave dhe vajzave.
Discussion about this post