Deputeti demokrat Saimir Koreshi njihet për batutat që herë pas here përdor jo vetëm në sallën e Kuvendit ashtu edhe në media.
Në një intervistë për News24, Koreshi duke analizuar atë që po ndodh në PD, tha se nuk ka pasur ndonjë miqësi as me Lulzim Bashën dhe as me Sali Berishën.
“Unë njëherë e kam takuar Berishën, ku kisha unë mundësi ta takoja, shyqyr që ndodhi kjo që ndodhi që kur na mblodhi në një drekë, hëngrëm drekë me të.
Bashën e takova para ca javësh, por njëherë kam qenë në zyrën e tij, kur ishte kryetar. Po s’kishin ndonjë gjë me mua as Berisha as Basha, as kishim miqësi, asgjë, si do i takoja unë ato”, tha Koreshi.
Në vijim ai tha se ecte vetëm përpara, por jo sikundër thotë Edi Rama, pasi atij ia ka vënë me kohë kufirin te thana.
“Janë 44 deputetë që kundërshtojnë skemën për rikthimin e Lulzim Bashës, pse budallenj jemi ne. Këtu ka një gjë që nuk shkon apo jo? Por ne tani jemi kthyer si ato që hanë njëri-tjetrin”, tha Koreshi, duke shtuar se janë betëm 7 deputetë që nuk e kundërshtojnë skenarin që po aplikohet.
Discussion about this post