Ish-Kryeministri i Italisë dhe Presidenti i parë i Komisionit Evropian, Romano Prodi ka komentuar situatën e integrimit evropian të Ballkanit Perëndimor, teksa është shprehur se BE duhet të zgjerohet me rajonin, nëse duam të kapërcejmë krizën e fortë politike që Evropa po kalon prej vitesh tashmë.
Prodi madje tregoi edhe hapat që duhet të ndërmarrë BE që në vitin 2022 për të dalë nga kjo krizë. Në prezantimin e librit të tij më të fundit “Imazhet tregojnë Evropën”, Prodi shpjegon pse Evropa prej kohësh nuk është më në qendër të botës dhe kjo po bën që të tjerët ta tallin atë. Kritika kryesore që Romano Prodi ka për BE, është mungesa e unitetit të saj në politikën e jashtme.
“Zgjerimi i mëtejshëm i BE-së me Ballkanin Perëndimor, zgjerimin me Shqipërinë dhe me të gjithë vendet e ish-Jugosllavisë , do të vendoste kështu kufijtë përfundimtarë të Evropës. Ky zgjerim do të detyronte BE të ndryshonte funksionimin e institucioneve, për të cilat kemi aq shumë nevojë dhe do të dilte nga kriza ku ndodhet. Evropa është kaq e nevojshme, por ecën aq ngadalë, sa duhet të shpresojmë se do të përfundojë për nipërit tanë. Nuk e kam menduar kurrë që pozicioni mbrojtës mund të jetë gjithçka. Ose po ndërtojmë një minimum mbrojtjeje të përbashkët së bashku me politikën e jashtme evropiane, ose po tallemi nga të gjithë. Kur shoh se në Libi na kanë dëbuar po ashtu edhe nga dy vende, si Turqia dhe Rusia, jo të krahasueshme për nga madhësia dhe kapaciteti me Evropën, por ne na nevojitet një politikë e jashtme e përbashkët”, tha ndër të tjera ish-kryeministri italian, Romano Prodi.
Ai ka theksuar rëndësinë e politikës së jashtme pa të cilën edhe mbrojtja bëhet e padobishme. Ajo ka qenë gjithmonë e paaftë për të vepruar për shkak të votës unanime.
Marrë nga ilsussidario.net
Discussion about this post