Me largimin e Lulëzim Bashës dhe rikthimin e Sali Berishës në PD balancat brenda grupit ndryshuan. Tashmë shumë figura të rëndësishme të PD janë kthyer në hije dhe injorohen nga mbështetësit e Berishës. I tillë është edhe rasti i Gazment Bardhit. Për shumë kohë, Gazment Bardhi ishte një ndër figurat më të rëndësishme në selinë e Partisë Demokratike. Ishim mësuar që ta shikonim të enjteve, teksa shkonte në seancë i shoqëruar me shumë miq e kolegë.
Por duket se tashmë edhe Gaz Bardhi ka mbetur krejt i vetëm. Ashtu siç shihet edhe në fotot e siguruara, deputeti i qarkut të Elbasanit ka dalë nga seanca krejt i vetëm dhe në oborr është ndeshur me disa kolegë të tij, por që as nuk e kanë përshëndetur.
Në foto është Flamur Noka, Oerd Bylykbashi, Tomorr Alizoti dhe Luçiano Boçi. Të katër deputetët janë së bashku duke biseduar, por duket se kanë zgjedhur që as mos ta kthejnë vështrimin nga Bardhi, me të cilin për shumë vite kanë pasur një bashkëpunim të ngushtë. Vetëm pak metra larg tij është edhe kryetari i Partisë Demokratike, Sali Berisha. Pas akuzave publike të drejtuara ndaj njëri-tjetrit, dy politikanët ecin në rrugë të ndara, pa kthyer as sytë, e jo më një përshëndetje. I pashqetësuar nga indiferenca e kolegëve, Bardhi ka dalë nga ambientet e Parlamentit, veçse këtë herë krejt ndryshe, i vetëm.
Discussion about this post