Ish-kryeministri Sali Berisha tha se vendimi i Lulzim Bashës për ta përjashtuar, nuk do e pengojë të shkojë në mbledhjet e grupit parlamentar demokrat. Berisha e cilësoi vendimin e Bashës si autokratik, duke ironizuar figurën e tij si lider.
Ai u shpreh se një person që nuk pyet për ligjet e partisë sot që është në opozitë, nuk do të pyesë as për ligjet e shtetit nëse nesër vjen në qeveri.
Të ka shkuar ndonjëherë ndër mend se do të vinte një ditë që do të të përjashtonin ty nga grupi i PD?
Berisha: Nuk jam, vendimi i Bashës është nul. Jam anëtar i PD-së. Do shkosh në mbledhjet e grupit parlamentar? Kur të më teket! Asgjë nuk më ndalon mua. Jam anëtar i atij grupi. Basha ka bërë deklaratë shumë të gabuar.
