Ish – Kryeministri Sali Berisha ka komentuar me anë të një statusi në rrjetet sociale mbledhjen e Këshillit të Mandatit dhe Imunitetit, ku po shqyrtohet kërkesa e prokurorisë për heqjen e mandatin dhe arrestimin e Saimir Tahirit.
Berisha e konsideron të turpshëm komisionin, pasi sipas tij me ndihmën e kryetarit Ruçi, Tahiri po bën prokurorin e prokurorëve.
“Turp komision!!Në Këshillin që drejton Gramoz Ruçi, banditi Saje qorri, me ndihmën e Don Gramozit bën prokurorin e prokurorëve, kjo është fytyra e krimit në parlament. Turp Komision! “
Më herët edhe Kryeministri Rama reagoi me një postim në rrjetet sociale, duke i konsideruar “muhabete pazari” diskutimet në mbledhjen e Komisionit.
