Një ngjarje e rëndë është shënuar këtë të enjte në fshatin Rrilë, ku një elektricist i OSHEE ka humbur jetën gjatë kryerjes së detyrës. Viktima është identifikuar si Mark Prenga, i cili kishte shkuar së bashku me dy punonjës të tjerë për të riparuar një defekt në një shtyllë pranë nënstacionit elektrik të zonës, pasi banorët kishin mbetur pa energji.
Sipas informacioneve paraprake, 27-vjeçari ka rënë në kontakt me rrymën elektrike sapo është ngjitur në shtyllë, duke gjetur vdekjen e menjëhershme. Dyshohet se nuk janë respektuar rregullat e sigurisë në punë, pasi energjia elektrike në nënstacion nuk ishte stakuar në momentin e ndërhyrjes.
Policia njoftoi se ngjarja ka ndodhur rreth orës 09:40 dhe grupi hetimor po punon për sqarimin e plotë të rrethanave. Materialet procedurale i janë referuar Prokuroria pranë Gjykatës së Shkallës së Parë të Juridiksionit të Përgjithshëm Lezhë, ndërsa hetimet vijojnë për të përcaktuar përgjegjësitë mbi këtë aksident tragjik në Lezhë.
Discussion about this post