Numri i vdekjeve dhe i infektimeve ka pasur një reduktim ditën e sotme në krahasim me një ditë më parë. Ministria ne Shëndetësisë njoftoi se në 24 orët e fundit janë kryer 3677 testime nga të cilat kanë rezultuar pozitivë me Covid-19, 566 qytetarë.
Ndërkohë bëhet me dije se nuk kanë mundur të fitojnë betejën me koronavirusin 6 pacientë, tre qytetarë nga Tirana të moshave 69-79 vjeç, një qytetar nga Fieri 57 vjeç, një qytetare nga Vlora 64 vjeçe, një qytetar nga Berati 82 vjeç. Ndërsa ditën e djeshme u regjistruan 8 humbje jete.
Sipas të dhënave, janë 6444 pacientë aktivë në të gjithë vendin dhe anë shëruar 513 qytetarë gjatë 24 orëve të fundit, duke e çuar numrin e të shëruarve në 170,730 që nga fillimi i epidemisë. Aktualisht në spitalet COVID po marrin trajtim 137 pacientë, nga të cilët 15 janë në gjendje më të rënduar.
