Presidenti i Ukrainës, Volodymyr Zelenskyy, ka realizuar një video-telefonatë një orëshe me senatorët e Shteteve të Bashkuara. Gjatë telefonatës ai bëri thirrje për më shumë mbështetje kundër pushtimit rus.
Të 50 senatorët amerikanë ishin të ftuar në video-thirrjen Zoom, ku gazetarët më pas zbuluan se Zelensky u kërkoi dorëzimin e më shumë aeroplanëve dhe dronëve raporton theguardian.
James Lankford, senator republikan, më pas tha se presidenti ukrainas gjithashtu dëshiron që “bota të ndalojë së bleri produkte ruse (si nafta dhe gazi). Sipas udhëheqësit të shumicës së Senatit, Chuck Schumer tha se “Këta aeroplanë janë shumë të nevojshëm. Dhe unë do të bëj gjithçka që mundem për të ndihmuar administratën për të lehtësuar transferimin e tyre”,.
Udhëheqësit e Kongresit po punojnë për një paketë me vlerë rreth 10 miliardë dollarë ndihmë ekonomike dhe sigurie për Ukrainën, me ndihmësit që informojnë se aeroplanët luftarakë mund të dërgohen në konflikt nëpërmjet një vendi të tretë.
Chris Van Hollen, një demokrat, shkroi në Tëitter se NATO duhet “të lehtësojë menjëherë transferimin e aeroplanëve luftarakë nga Polonia, Rumania dhe Sllovakia në Ukrainë”.
Udhëheqësit perëndimorë deri më tani kanë kundërshtuar kërkesën e Zelenskyt për të krijuar një zonë ndalim-fluturimi mbi Ukrainë. Por senatorët shprehën mbështetje të fortë për vendin pas takimit.
Discussion about this post