Fermerët e domates në Roskovec gjenden në prag falimenti, kjo për shkak të problematikave të shkaktuara. Fara jo e mirë ishte problemi i parë, ndërsa tani vijon dhe mungesa e tregut apo çmimi i ulët me të cilin shitet në treg. Dynymë të tëra janë të pavlefshme, si pasojë e prodhimit të keq, duke detyruar fermerët që t’i hedhin ato poshtë. Pjesa më e madhe e prodhuesve i kanë ngritur këto sera me kredi, të cilat ende nuk kanë mundur t’i shlyejnë. Njëri prej tyre, pohon se ka marrë një kredi prej 15 mln lekësh, të cilat i ka investuar 4 vite më parë. Sipas tij, deri më tani nuk është bërë dot e mundur rimëkëmbja e biznesit i cili po sheh vetëm humbje. Çmimi i ulët është një tjetër shqetësim për fermerët si dhe mundësia e tregut në të cilin mund të vijojnë tregtinë. Çmimi i domates ka qenë 30 lekë, ndërsa tashmë kë shkuar në 60 lekë, e këtu bëhet fjalë që të ketë ndikim dhe në fitimet e prodhuesve. Duket se domatja në Roskovec, është jo shumë e preferuar për shkak të problemeve me farat, ku prodhimet dolën jo siç pritej. Tashmë, prodhuesit janë të detyruar të përballen me kaq shumë probleme, të cilat mund t’i çojnë drejt falimentit.
