Me anë të një postimi në Facebook, Deputeti i Partisë Demokratike Ervin Salianji ka reaguar pas bllokimit të Rrugës së Arbrit ditën që u inaugurua nga kryeministri Edi Rama. Salianji shkruan se Rruga e Arbrit bllokohet që ditën e parë duke çarë daullet e qeverise.
Më tej ai shton se dhjetëra qytetarë qëndrojnë mes borës dhe ngricës ndërkohë që e vërteta është qe në 8 vite, Rama nuk ka përfunduar asnjë rrugë të vetme.
“Propaganda dhe injektimi i të pavërtetave metoda e Ramës për të mbuluar dështimet! Me shume se 330 miliard lek përveç TVSH thuajse 3 herë më shumë se tenderimi fillestar, 5 muaj para përfundimit të punimeve që me siguri s’dihet sa do zgjasë Rruga e Arbrit bllokohet që ditën e parë duke çarë daullet e qeverise! Dhjetëra qytetarë qëndrojnë mes borës dhe ngricës ndërkohë që e vërteta është qe në 8 vite Rama nuk ka përfunduar asnjë rrugë të vetme!”- shkruan Salianji.
Kujtojmë se ditën e sotme, pak orë nga hapja provizore e rrugës së Arbrit, mbi 100 makina u bllokuan tek tuneli i Bypass-it në Qafë-Murriz.
Discussion about this post