Shërbimet e Policisë Kufitare të Sarandës kanë bllokuar pesë mjete lundruese gjatë kontrolleve të ushtruara në zonën bregdetare.
Mësohet se, mjetet e llojit skaf dhe jet-ski u konstatuan pa dokumentacionin e detyrueshëm në bord.
Në pranga të kontrolleve ra skafi “Deda” si dhe katër jet-ski të emërtuara “Kania 2021”, “Renaldo”, “Ksamili 5” dhe “Ksamili 6”.
Pronarët e tyre me iniciale M. D., Dh. L., Xh. M. dhe E. M., u identifikuan menjëherë nga uniformat.
Për shkeljet e konstatuara, ndaj secilit mjet është vendosur një masë administrative prej 10.000 lekësh.
Policia Kufitare vijon kontrollet në det për të garantuar zbatimin e rregullave të lundrimit dhe sigurinë e pushuesve.
Discussion about this post