TikTok ka patur një ndikim serioz dhe pak të çuditshëm në lidhje me makeup-in dhe veçanërisht vendosjen e blush-it në fytyrë. Disa muaj më parë, është bërë viral një truk që përfshin vendosjen e blush-it/rouge-it, sido që ta quani, në urën e hundës, përveç zonës së faqeve/mollëzave për një pamje “të puthur nga dielli”.
Mund t’ju duket se do krijoni një fytyrë që duket si e djegur nga dielli, por jo. Rezultati është çuditërisht i mirë.
Disa e aplikojnë me furçë dhe të tjera përdorin majat e gishtave. Më pas, thjesht e sfumojnë me një sfungjer grimi.
