Sir Frank Williams është ndarë nga jeta ditën e sotme në moshën 79 vjeçare. Frank është themeluesi i skuadrës Williams në Formula 1 të cilën e krijoi në vitin 1977 e cila shumë shpejt ishte e aftë të konkuronte kundër emrave më të mëdhenj garues të asaj kohe, duke fituar 16 kampionate botërore.
Williams mbahet mend për rolin e tij që luajti deri vonë në skuadrën legjendare, që pavarsisht aksidentit të rëndë që ai pësoi në vitin 1986, edhe pse në një karrige me rrota, ai vazhdoi të ishte pjesë e botës së Formula 1.
Në një deklaratë këtë të dielë ekipi i Williams tha: “Me pikëllim të madh dhe në emër të familjes Williams, ekipi mund të konfirmojë vdekjen e Sir Frank Williams CBE, Themeluesi dhe ish-Drejtori i Ekipit të Williams Racing, në moshën 79 vjeçare.”
Arritjet dhe personaliteti i jashtëzakonshëm i Sir Frank Williams do të nguliten në sportin e Formula 1 përgjithmonë.
Discussion about this post