Era e fortë dhe reshjet e dendura të shiut kanë bërë që të anulohet koncerti i parashikuar të mbahej për 109 vjetorin e Pavarësisë në qytetin e Vlorës. Lajmin e ka bërë të ditur Bashkia përmes një njoftimi në faqen e saj zyrtare, ku shkruan se shkak është bërë moti i keq që ka përfshirë Vlorën sot, i cili ka sjellë shumë dëmtime.
“Të dashur qytetarë! Me keqardhje ju njoftojmë se për shkak të kushteve jo të mira të motit dhe të furtunës kemi qenë të detyruar të anulojmë koncertin e parashikuar për t’u zhvilluar në orën 18.00. Faleminderit për mirëkuptimin”, njofton Bashkia e Vlorës. Përveç reshjeve të shiut, në Vlorë ka nisur prej disa orësh edhe era e fortë, çka ka bërë që shumë zona të mbeten pa energji elektrike.
Discussion about this post