Boksieri shqiptar për peshën 71 kg, Alban Beqiri ka siguruar një tjetër fitore në kampionatin botëror të këtij sporti që është duke u zhvilluar në Serbi.
Pasi fitores së raundit të parë ndaj Manias të Kenias, ai ka triumfuar edhe ndaj rivalit lituanez Banis, duke kaluar në raundin e 1/16.
Shqiptari e dominoi totalisht duelin dhe në fund mori miratimin e të pesë gjyqtarëve. Tashmë ai duhet të presë fituesin e çiftit Bekford të Panamasë me Shiuan të Taipeit për të mësuar kundërshtarin e radhës.
Ndërsa duhet të rikujtojmë se ky edicion nuk nisi shumë mirë pasi delegacioni nga Kosova u përjashtua për shkak se në Serbi nuk pranuan që ata të mbanin veshur stemën e tyre, ndërsa ‘Kuqezinjtë’ kërkuan tërheqjen pas kësaj ngjarjeje, por u detyruan të marrin pjesë./K.T/Gijotina.com
