Burri tenton të vrasë gruan me sëpatë

Policia e Kosovës ka arrestuar një person në Mitrovicë i cili ka tentuar ta vrasë gruan e tij me mjet të mprehtë.

Sipas policisë rasti ka ndodhur dje rreth orës 15;30 në rrugën “Dibra”, dhe rasti është cilësuar si “vrasje në tentativë”.

“Është arrestuar i dyshuari mashkull kosovar pasi me një mjet të mprehë ka tentuar ta godasë viktimën femër kosovare. Me vendim të prokurorit i dyshuari është dërguar në burg”, thuhet në raportin 24 orësh të policisë.

Në media është raportuar se i dyshuari kishte tentuar ta vrasë gruan me sëpatë dhe u ndalua nga fëmijët e tij.