Janë publikuar ditën e sotme rezultatet e Censit të popullsisë dhe banesave, të realizuar në vitin 2023.
Sipas INSTAT, popullsia e Shqipërisë është 2,412,113 banorë.
Të dhënat e publikuara këtë të premte nga INSTAT tregojnë një tkurrje të popullsisë që jeton në vend me më shumë se 400 000 banorë, gjatë dekadës.
Sa i përket pakicave etnike që jetojnë në vendin tonë, nga Censi rezulton se 23,485 qytetarë grekë jetojnë në territorin shqiptar, 12,375 janë pjesë e komunitetit egjiptian, 9,813 komunitetit rom, kurse 7 057 komunitetit bullgar.
Sa i përket besimeve fetare, 201 530 banorë janë deklaruar katolikë, 173 645 ortodoks, 9 658 pjesë e kishës ungjillore, 1 101 718 myslimanë, 115 644 bektashi, kurse 85 311 janë deklaruar ateistë.
Mbi 332 mijë shqiptarë janë vlerësuar si besimtarë të pacilësuar, ndërsa 244 331 të tjerë nuk kanë dashur të përgjigjen.
Ishte parashikuar që Censi i Popullsisë dhe Banesave që u zhvillua vjet, të publikohej në 19 qershor, por më pas u shty pa dhënë një motiv. Mirëpo, kjo vonesë për opozitën ka qëllime të fshehura. Sipas tyre, e gjitha bëhet për të fshehur rënien e popullsisë, madje nuk munguan as akuzat për falsifikim të të dhënave.
Discussion about this post