Ish-ministri Fatmir Mediu ka rikthyer dhe një herë në diskutim çështjen “Gërdeci”. Ai ka pohuar se ligjërisht është i pafajshëm, madje nuk ka pasur asnjë informacion për ekzistencën e depos. Gjithashtu ai ka pohuar se dha dorëheqjen për shkak të tragjedisë, pasi e ndjente se nuk duhet të qëndronte më në atë post.
“Unë kam mbajtur një qëndrim në raport me këtë çështje dhe kam dhënë dorëheqjen si pjesë e përgjegjësisë sime morale dhe politike , edhe pse kundër disa këshillimeve nga partnerë tanë shumë të rëndësishëm, sepse në pozicionin tim politik dhe personal , e gjykoja që nuk ishte e udhës dhe nuk duhej të qëndroja më ministër për sa kohë kishte viktima. Dhe në mënyrë të padiskutueshme, që unë nuk e kam ditur ku është Gërdeci. Gërdeci është një proces ku janë marrë për demontim që në 2003 të pajisjeve të FA”, tha Mediu.
Ish-ministri ka pohuar se ka pasur një numër të madh telefonatash në drejtim të tij. Pasi kanë qenë në raport solidariteti. Mes tyre ka pasur një telefonatë dhe nga djali i ish-kryeministrit Sali Berisha.
“Në ditën e ngjarjes unë kam pasur shumë njerëz që më kanë marrë. Sipas tabulateve, ka tabulate që unë kam bërë telefonatë me djalin e kryeministrit , por kjo është absurde, sepse po e bëj dhe një herë krahasimin. Çdo telefonatë që kam marrë ka qenë në raportet e solidaritetit. Në punën time si ministër unë i përgjigjem vetëm kushtetutës , ligjit , urdhrave dhe vendimeve të qeverisë , në marrëdhëniet e mia personale, unë nuk jam njeri që nuk hap telefonin dhe nuk flas me njerëz, shtoi më tej ai.
Në përfundim Mediu ka pohuar se nuk ka pasur asnjë përgjegjësi në lidhje me ngjarjen.
Discussion about this post