Sokol Cikalleshi është gjithnjë e më shumë një prej lojtarëve më të spikatur në kampionatin e Arabisë Saudite. Sulmuesi i përfaqësueses shqiptare, me golat dhe lojën e tij po ndihmon skuadrën e Al Khaleej që të mbijetojë në elitë në një kampionat që ka fituar shumë shikueshmëri falë afrimit të një ylli si Kristiano Ronaldo.
E ndërsa portugezi pritet ende të shkëlqejë në këtë kampionat, Cikalleshi po bëhet protagonist javë pas jave dhe duke shënuar 2 gola e dhënë një asist në tre ndeshjet e fundit, ka shtyrë skuadrën e tij drejt tre fitoreve radhazi.
Goli i shënuar në këtë fundjavë, e ka ndihmuar sulmuesin shqiptar që të zgjidhet në formacionin e javës nga Saudi Pro League, falë notës 8 me të cilën është vlerësuar për paraqitjen e tij. Vetëm portieri David Ibasi është vlerësuar më shumë se sa sulmuesi i përfaqësueses shqiptare, me notën 8,2.
Discussion about this post