Një moment i shëmtuar dhune u regjistrua në Stadiumin e qytetit të Eindhoven aty ku vendasit e PSV prisnin Sevilla-n, në sfidën e Europa League. Gjatë pjesës së dytë, një prej tifozëve holandezë kaloi barrierat dhe u fut në fushë aty ku shtyu dhe u përpoq të godiste portierin mik, Marko Dmitrovic. Ky i fundit u mundua të ruante qetësinë edhe pse në një situatë të pazakonte teksa pas sfidës, numri dy i spanjollëve u shpreh se kishte dëshirë ta godiste agresorin.
“Një nga tifozët kundërshtarë u fut në fushë dhe më shtyu nga pas, u mundua të më godiste. Doja të godisja, por nuk do të ishte bukur. Sepse në të kundërt nuk do të isha futbollist, por boksier. Futbolli nuk i meriton këto ngjarje të shëmtuara. Gjithmonë, ndodh që në stadium të jetë ndonjë tifoz i dehur.
Gjesti i këtij personi të çmendur dhe të rrezikshëm është dënuar nga klubi i Sevilla-s, me UEFA-n që pritet të marrë masa ndëshkuese ndaj klubit holandez.
Discussion about this post