Kryeministri Edi Rama hoqi tërësisht shpresat se do të ketë një ulje taksash për shkak të çmimeve që po arrijnë shifra rekord, sidomos ai i naftës.
Në një konferencë për shtyp, kreu i qeverisë theksoi edhe njëherë se nuk mund të ndërhyjnë, pasi vendi është pjesë e tregut të lirë. Ndonëse vendet e rajonit si Maqedonia, madje dhe Kosova kanë ulur një pjesë të taksave për t’ia bërë më të lehtë qytetarëve, e kundërta ndodh tek ne, ku qeveria punon për të rritur më tej çmimet.
“Kosova dhe vende të tjera i kanë veç taksat por nuk i kanë në strukturën e çmimit. Kosova dhe Maqedonia kanë rritur çmimin e energjisë në faturat e familjarëve. A do ishit dakord të ndodhte kjo në Shqipëri. Mund të ndodhi më tutje por sot që flasim. Ne bëjmë rregullisht 45 milion dollar subvencion për familjet në nevojë për të mbajtur kilovatin 7 lekë, ndërkohë që pjesa tjetër e paguan 9.5 lekë. Qeveria e blen 61 lekë. Paguhen nga buxheti dhe vjen tek ne 9.5 lekë. A është e drejtë të ndërhymë sot tek çmimi i energjisë dhe ti godasim të gjithë dhe për të ulur naftën. Megjithëse nuk e besoj që kjo e ul naftën. Mendoj që jo,” tha Rama.
Më herët, kryeministrit dhe ministrja Balluku konfirmuan të dy se do të ketë sërish rritje çmimesh, ndërsa treguan se do të udhëzojnë qytetarët se si do të përdorin kondicionerin apo se kur do t’i ndezin dritat.
Discussion about this post