Ministria e Shëndetësisë ka raportuar se në ditën e sotme janë regjistruar 475 raste të reja me koronavirus nga gati 3 mijë testime të kryera. Po të krahasojmë më të dhënat e një dite më parë kurba e të infektuarve ka pësuar një rritje të lehtë me ditën e sotme, ndërsa në të gjithë vendin janë aktiv me koronavirus mbi 7 mijë qytetarë.
Edhe numri i vdekjeve nga virusi është reduktuar ditën e sotme, ku raportohen 6 humbje jetë, ndërsa një ditë më parë regjistroheshin 7.
“Ju informojmë për situatën në 24 orët e fundit, si vijon:
Janë kryer 3244 testime, nga të cilat kanë rezultuar pozitivë me COVID19, 475 qytetarë. Janë 7360 pacientë aktivë me COVID19 në të gjithë vendin.
Aktualisht në Spitalet COVID po marrin trajtim 169 pacientë, nga të cilët 20 janë në gjendje më të rënduar. Me gjithë përpjekjet e mjekëve, në 24 orët e fundit nuk e kanë fituar betejën me COVID19, 6 qytetarë: 3 qytetarë nga Fieri të moshave 52-80 vjeç, 1 qytetar nga Kolonja 68 vjeç, 1 qytetare nga Lushnja 68 vjeçe, 1 qytetar nga Berati 70 vjeç,
Ministria e Shëndetësisë dhe Mbrojtjes Sociale u shpreh ngushëllimet familjarëve.”, thuhet në njoftim.
Sipas MSH, janë shëruar 657 qytetarë gjatë 24 orëve të fundit, duke e çuar numrin e të shëruarve në 164,524 që nga fillimi i epidemisë.
