Pasi Gjermania e futi Shqipërinë në listën e vendeve me rrezik të lartë nga Covid-19, shteti gjerman ka vendosur disa rregulla të reja udhëtimi.
TIA njofton se pasagjerët që duan të udhëtojnë nga Rinasi për në Gjermani duhet të kenë pasaportë vaksinimi ose provë të kalimit të infeksionit të COVID-19.
Gjithashtu, pasagjerët duhet të kenë aplikuar në faqen zyrtare të autoriteteve gjermane einreiseanmeldung.de, dhe në rast se nuk janë vaksinuar, atëherë duhet të bëjnë test antigen ose PCR dhe të futen në karantinë për 10 ditë në Gjermani.
Nga këto rregulla përjashtohen vetëm fëmijët poshtë moshës 12 vjeç.
