Lali Eri dhe “bëmat e tij” do të cilësohej tenderi i radhës i lëshuar nga Bashkia Tiranë. Gijotina.com ka denoncuar me dhjetëra shkelje të tij, ku derdhe miliona lekë për tenderi qesharakë, por ky tender është përtej absurdes. Këtë herë Veliaj ka menduar që të shpenzojë 23 milionë lekë për studiues, të cilët do të analizojnë ndërtimin e kangjellave dhe mureve rrethues për varrezat e Tufinës dhe Sharrës. Nuk e dimë se çafër shkence apo studimi duhet për ndërtimin e një muri rrethues në varreza, kur punëtorët shqiptarë çdo ditë ndërtojnë pallate e shtëpi gjigande dhe maksimumi marrin 300 mijë lekë të vjetra në muaj, ndërsa Veliaj bën lekun letër vetëm për ata që do “udhëzojnë” ndërtuesit se si të vënë tullat e kangjellat në rrethimin e Tufinës.
Konkretisht, bëhet për një tender REF-25445-04-15-2022, me vlerë 2,364,261 milionë lekë ose 23 milionë lekë të vjetra. Ky tender është i ndarë në tre lote për të ofruar shërbim si, zhvillimin e një studimi për vendosje kangjellash për mur rrethues në varreza dhe mirëmbajtjen e infrastrukturës në varreza. Në fakt këto janë shërbime që i bëjnë vetë qytetarët, por Veliaj ka menduar të bëjë një studim për këtë.
Në këtë situatë lind pyeta, çfarë do duhet të analizojnë studiuesit në këtë rasat, mënyrën se si vihen kangjellat, materialin e tyre apo numrin e kangjellave që duhen. Pasi më aq shumë probleme sa kanë vendet e varrezave në Tiranë dhe kudo, për këto shërbime nuk na duhen studime dhe as shpenzime kaq marramendëse.
Në dokumentin e këtij tenderi përcaktohet 4 milionë lekë të vjetra do të jepen për “Studim projektim “Rrethim me mur betoni dhe kangjella në sektorin Tufinë”, 7 milionë lekë do të jepen për “Studim projektim “Sistemim dhe asfaltim rruge parcela 139-146, Sharrë” dhe 12 milionë lekë do të jepen për “Studim projektim “Punime ndërtimore dhe infrastrukture në varrezat publike Sharrë dhe Tufinë”. Kaq studime sa bën Veliaj, duhet të kthejë ndonjëherë sytë nga qytetarët dhe të bëjë ndonjë studim se si po mbijetojnë të rinjtë shqiptarë, çfarë cilësi kanë ushqimet në vend, apo si po vdesin qytetarët nga uji i pijshëm që është i papijshëm./ E.H/ Gijotina.com/
Discussion about this post