Dekani i Fakultetit të Drejtësisë në Universitetin e Tiranës, Dr. Sokol Mëngjesi, ka dhënë dorëheqjen nga posti i tij. Lajmin e ka bërë të ditur vetë ai përmes një letre drejtuar kolegëve të tij. Në motivin e dorëheqjes, Mëngjesi ka deklaruar se ky vendim vjen për arsye krejtësisht personale. Mëngjesi shkruan se për arsye krejtësisht personale është duke u larguar nga posti që mbante.
Sokol Mëngjesi gëzonte postin si Dekan i Fakultetit të Drejtësisë në Universitetin e Tiranës, teksa studimet universitare i ka përfunduar në vitin 2004, studimet pasuniversitare në vitin 2006 dhe studimet e doktoraturës në vitin 2010, në Universitetin ‘Demokritus’, Thrakë, Greqi.
Prej vitit 2005 deri në vitin 2008, ka punuar si asistent lektor në Universitetin ‘Demokritus’, Thrakë, Greqi, dhe prej vitit 2010 e në vijim si Profesor në Fakultetin e Drejtësisë së Universitetit të Tiranës.
Titulli akademik ‘Profesor’ në vitin 2016. Kryetar i Këshillit të Profesorëve në Fakultetin e Drejtësisë në vitin 2019. Anëtar i disa bordeve dhe komisioneve të rëndësishme të institucioneve të ndryshme brenda dhe jashtë vendit.
Discussion about this post