Partia Demokratët Evropianë ka reaguar për situatën politike në Shqipëri, duke kërkuar largimin e kryeministrit Edi Rama dhe kreut të Partisë Demokratike, Sali Berisha. Në një deklaratë, ata kanë vlerësuar se vendi ka nevojë për një udhëheqje të re, institucione më të përgjegjshme dhe një të ardhme më të afërt me standardet evropiane.
Sipas tyre, qeveria e Edi Ramës ka mbështetur projekte që cenojnë transparencën dhe besimin te shteti ligjor, ndërsa opozita e drejtuar nga Sali Berisha nuk ka arritur të sjellë një alternativë të re demokratike.
“Në ditën e pesëdhjetë të protestave në Tiranë, një pankartë e përmbledh krizën: Shqipëria nuk është një resort privat. Qeveria e Edi Ramës ka mbështetur një projekt që kërcënon tokën e mbrojtur, ndërsa minon transparencën dhe besimin në shtetin ligjor. Opozita e Sali Berishës ka dështuar të ofrojë një rinovim demokratik të besueshëm. Shqipëria meriton një udhëheqje të re, institucione të përgjegjshme dhe një të ardhme vërtet evropiane. Të dy duhet të largohen.”, thuhet në reagim.
Discussion about this post