Dëmtime dhe jo vetëm, Bellingham nderon përsëri “Los Blancos”

Reali i Madridit ka siguruar tre pikët e radhës, në takimin e javës së trtetë të kampionatit spanjoll, përballë Celta Vigos.

Takimi I luajtur në stadiumin “Balaidos” ishte shumë I komplikuar për djemtë e trajnerit Carlo Ancelotti, të cilët e realizuan golin e fitores vetëm në fund.

Dueli nisi me frikë për miqtë, të cilët pësuan gol në minutën e katërt, por vendasit e panë golin e tyre që t’i anulohej, nga sistemi VAR, për një faull ndaj portierit Kepa.

Në minutën e 11’, Ancelotti u detyrua që të largonte nga loja, Vinicius Junior, për një dëmtim muskular, duke bërë Realin e Madridit që të dobësohet shumë në repartin e avancuar.

Nga ky moment e deri në fund, pjesa e parë nuk pati asgjë për të veçuar, me skuadrat që shkuan në dhomat e zhveshjes, me rezultatin 0-0.

Në pjesën e dytë, Real Madrid, mori akoma më shumë, iniciativën duke sulmuar portën kundërshtare, ama Celta nuk u tërhoq në mbrojtje, duke tentuar edhe vetë që të befasonte “Los Blancos”.

Në minutën e 68’, Rodrygo u pengua në zonë, duke fituar një penallti, por po vetë e humbi, si shkak i pritjes së portierit vendas.

Reali i Madridit nuk u demoralizua nga ky rast, duke vazhduar sulmet e veta në portën e Celtas. Duhej të vinte minuta e 81’, që miqtë, të zhbllokonin sfidën, falë të zakonshmit Jude Bellingham, i cili goditi saktë me kokë, duke i dhënë epërsinë skuadrës së Ancelottit. Ky ishte goli i katërt në tre takime për anglezin.

Deri në fund, rezultati nuk ndryshoi, me Realin e Madridit që siguroi tre pikët e radhës, duke shkuar në kuotën e 9 pikëve në La Liga. Në orët në vijim, priten informacione në lidhje me dëmtimin e Vinicius Jr./m.b /gijotina.com